Nakakapatula ang mga sandaling ito

by Danilo Arao

Baligtad na ang totoo
Sa mata po ng gobyerno
Naduling dahil sa tubo
Binulag tayo't niloko

Hindi ipinagkakanulo,
Demonyo'y magiging santo:
Alagaan mo lang ako
Presyuhan mo ang totoo!

Doon tayo sa kangkungan
'Di uso'ng katotohanan
Kapalit ng karangalan
Premyo ay biglang pagyaman

Mayroong katotohanan
Itong kasinungalingan
Sagutin ang katanungan:
Sino ba ang yumayaman?

Doon po sa Malakanyang
Wala na pong pakundangan
Anu-ano pang dahilan
Puro kasinungalingan